|
 |
Вести / Балкан
|
|
Нови експлозии во воениот магацин кај Софија
Софија, 4 јули (МИА) – Во магацинот за муниција во близина на Софија во текот на изминатата ноќ одекнале 14 помали експлозии, но ситуацијата е под контрола по пожарот кој вчера изутрината предизвика неколку силни детонации во овој воен објект, соопшти денеска Цивилната одбрана, повикувајќи се на бугарското Министерство за вонредни ситуации.
Населението кое живее во близина на воениот објект, кај местото Челопечене, на околу 10 километри источно од Софија, главно не излегува од своите домови, а снабдувањето со струја полека се нормализира, соопштија бугарските власти, додавајќи дека нема место за паника.
Авионите синоќа почнаа да слетуваат на аеродромот во Софија, кој во текот на вчерашниот ден беше неколку часа затворен поради силните експлозии во магацинот за уништување на застарената муниција.
Бугарскиот министер за одбрана Николај Цонев вчера истакна дека не постои опасност од загадување на воздухот, имајќи предвид дека најголема закана претставува околу 20 тони високо експлозивниот тринитротолуол (ТНТ), кој вчера гореше но тоа не доведе до експлозија.
Во воениот магацин се уште се присутни експертските екипи на Министерствата за одбрана и за вонредни ситуации, како и на воената полиција и припадниците на жандармеријата.
Бугарскиот претседател Георги Прванов вчера го посети местото на инцидентот, а премиерот Сергеј Станишев свика вонредна седница на Владата. Истрагата за причините за експлозиите е во тек.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|