|
 |
Вести / Балкан
|
|
Поранешните први луѓе на ФК „Црвена ѕвезда“ ослободени од притвор
Белград, 4 јули (МИА) - Врховниот суд на Србија денеска им го укина притворот на тројцата поранешни први луѓе на фудбалскиот клуб „Црвена ѕвезда“ Драган Џајиќ, Владимир Цветковиќ и Милош Маринковиќ, бидејќи веќе не постои ниту една причина за нивно задржување, соопшти судот, а пренесе Танјуг.
Адвокатот на Џајиќ, Драган Савиќ за српската агенција изјави дека тие во текот на попладнево ќе бидат пуштени на слобода.
Џајиќ, Цветковиќ и Маринковиќ се уапсени на 5 фверуари и во притвор, кој три пати им беше продолжуван, минаа цели пет месеци.
Врховниот суд наведува дека како неосновани ги одби предлозите на истражниот судија и обвинителот притворот да им се продолжи за уште еден месец, имајќи ги, пред се, во вид времето на извршување на кривичните дела и фактот дека повеќето членови на Управниот одбор на овој клуб се веќе сослушани.
Џајиќ од 23 април се наоѓа на лечење на ВМА, додека Цретковиќ и Маринковиќ цело време се во притвор во Централниот затвор во Белград.
Истрагата против нив, која ја води Окружниот суд од Белград, поради неправилности во врска со трансферите на фудбалерите на овој клуб, е при крај и остана да се сослушаат уште само петмина сведоци.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|