|
 |
Вести / Балкан
|
|
Советот за безбедност на ОН утре ќе одржи седница за ситуацијата на Косово
Белград, 24 јули (МИА) - Во Њујорк утре ќе биде одржана седница на Советот за безбедност на ОН, посветена за ситуацијата на Косово, на која што ставовите на Србија ќе ги пренесе министерот за надворешни работи Вук Јеремиќ. Косовската делегација ќе ја предводи шефот на УНМИК, Ламберто Занијер.
Јеремиќ на седницата ќе ги застапува интересите на Србија за Косово, кои се однесуваат за власта во Белград за спорната реконфигурација на меѓународното цивилно присуство во Косово без соодветна одлука на највисокото тело на светската организација.
Во косовската делегација покрај Занијер, ќе присуствува и министерот за надворешни работи Скендер Хисени.
Расправата ќе биде посветена на кварталниот извештај на генералниот секретар на ОН Бан Ки-мун, со кој тој практично даде „зелено светло“ на својот специјален пратеник Занијер да го отпочне процесот на преобликување на УНМИК.
Седницата ќе биде можност шефот на УНМИК и министерот за надворешни работи на Србија оваа седмица уште еднаш да ги разменат своите мислења и ставови за Косово и процесот за реконфигурација на мисијата на ОН.
Со планот на Марти Ахтисари предвидено е УНМИК да биде заменет со мисијата на ЕУ - Еулекс.
Во извештајот за Косово Бан наведе дека Еулекс работи под „чадорот“ на ОН, додека Занијер ќе има авторитет и ќе раководи со целата мисија.
- Дадов налог на УНМИК да соработува со Европската унија, за да се обезбеди оперативна улога на Косово во областа на владеењето на правото под сеопфатен авторитет на ОН, наведе Бан и додаде дека процесот на реконфигурација е во интерес на ОН, со оглед на тоа дека новата меѓународна улога на Косово ќе „служи да се зачуваат достигнувањата на УНМИК“.
Бан нагласи дека ОН се неутрални кон декларацијата на косовската независност и стапувањето во сила на Уставот на Косово, иако, како што наведе, со тие случувања мандатот на УНМИК бил доведен во прашање.
Генералниот секретар на ОН оцени дека официјална Приштина и косовските Срби многу повеќе се оддалечиле поради донесувањето на Уставот и одбивањето на Србите да го прифатат, и како што рече тој, со поддршката на Белград за натамошен бојкот на косовските институции и функционирањето на паралелни структури, посебно на северот на Косово.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|