|
 |
Вести / Балкан
|
|
Турската авијација бомбардира цели на ПКК во Северен Ирак
Анкара, 24 јули (МИА) - Турската авијација бомбардирала изминатата ноќ цели на курдските бунтовници во Северен Ирак, соопшти турскиот телевизиски канал Си-Ен-Ен Турк.
Во соопштението на Генералштабот на турскиот вооружени сили се истакнува дека турски воени авиони изминатата ноќ бомрадирале 13 позиции на курдските бунтовници во реонот на Зап, во Северен Ирак.
Позициите, локализирани со технички средства, целосно припаѓаат на терористичката организација ПКК/КОНГРА-ГЕЛ, локалното население не е засегнато се истакнува во соопштението.
Во моментот се прецизира какви се загубите кај терористите.
Во соопштението се додава дека турската армија ќе ги продолжи операциите во рамките на борбата против тероризмот во или надвор од земјата.
ПКК, која се смета за терористичка организација од Турција, САД и ЕУ, од 1984 година води вооружена борба за автономија во Југоисточна Турција, каде што населението е претежно курдско. Во конфликтот досега загинаа над 37 илјади луѓе.
Од декември 2007 година турската армија презеде серија воздушни и копнени операции, при што бомбардираше позиции на ПКК во Северен Ирак. Според Анкара таму наоѓаат прибежиште околу 2.000 припадници на ПКК.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|