|
 |
Вести / Балкан
|
|
Грчките докери се судрија со полицијата откако осум работници умреа во запален танкер
Атина, 25 јули (МИА) - Грчките докери денеска се судрија со полицијата надвор од Министерството за трговска морнарица за време на протестот поради смртта на осум лица во инцидентот со еден танкер во блзиина на Атина, јави АФП.
Полицијата употреби гас за да ги подели откако демонстрантите се обидоа да навлезат во зградата на Министерството, барајќи да се видат со министерот за трговска морнарица Георгиос Вулгаракис.
Разделените демонстранти го оштетија автомобилот на министерот и фрлаа камења врз полиските сили, кои беа посторени пред нив, повредувајќи осуммина полицајци и петмина крајбрежни чувари, соопшти Министерството за трговска морнарица.
До судирите дојде откако две лица беа најдени мртви во внатрешноста на танкер што пренесува течен гас, а на кој вчера изби пожар при негова поправка во доковите на Перама, предизвикувајќи ја потоа смртта на вкупно осум лица.
-Пожарот на танкерот што пловеше под панамско знаме, а е во сопственост на грчка компанија се верува дека е предизвикан од невнимание, изјавија од официјалната истрага.
Вулгаракис изрази „длабоко жалење“ по несреќата, која грчките медиуми ја оценија како најтрагична во бродоградилиштето во Перама и соопштија дека истрагата е во тек.
Двајца членови од екипажот за оддржување се уапсени по последниот инцидент, но синдикатот денеска почна тридневен штрајк. Тие најавија долги протести бидејќи како што викаат имаат сиромашни безбедносни услови за работа во Перама.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|