|
 |
Вести / Балкан
|
|
Радован Караџиќ сослушан поради тврдењата дека е „незаконски уапсен во петокот“
Белград, 25 јули (МИА) - Српскиот заменик-обвинителот за воени злосторства Драгољуб Станковиќ денеска го сослуша поранешниот лидер на босанските Срби Радован Караџиќ во својство на оштетена странка, во врска со неговите тврдења дека бил „незаконски уапсен“ и дека бил „три дена држен затворен во некоја просторија“.
Адвокатот на Караџиќ, Светозар Вујачиќ поднесе кривична пријава против непознат сторител, поради „противправно лишување од слобода и незаконско задржување на Караџиќ во периодот од 18 до 21 јули“.
По денешното сослушување, Вујачиќ изјави дека Караџиќ речиси два часа на обвинителот Станковиќ му го опишал начинот на кој бил уапсен и спроведен на 18 јули и дека е однесен на „за него до ден денешен непознато место“.
- Сосема е јасно дека Караџиќ е уапсен на 18 јули и дека се неточни наводите на Обвинителството за воени злосторства за датумот на неговото апсење, изјави Вујачиќ.
Српските власти во вторникот соопштија дека Караџиќ бил уапсен во понеделникот вечерта во околината на Белград, додека го менувал местото на престојување. Меѓутоа, Караџиќ и неговата одбрана тврдат дека тој бил уапсен во петокот на 18 јули во вечерните часови на автобуска станица кај белградската населба Батајница.
Вујачиќ исто така изјави дека не очекува неговиот клиент да биде пренесен во Хаг „пред идната среда“, најавувајќи дека „денеска што подоцна“ до Окружниот суд ќе поднесе жалба на одлуката за предавање на Караџиќ на Хашкиот трибунал.
Обвинителството на Хашкиот суд го товари Караџиќ за геноцид, вмешаност во геноцид, ликвидации, убиства, казнувања, депортации, нехумани дела и други злосторства извршени врз муслимани, Хрвати и други несрпски цивили во Босна и Херцеговина за време на Војната во оваа држава од 1992 до 1995 година.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|