|
 |
Вести / Балкан
|
|
Монд: Неопходна политичка волја за влез на Западен Балкан во ЕУ
Париз, 7 август (МИА) - За да биде европската перспектива стварност за земјите од Западен Балкан, неопходна е јасна политичка волја, односно Европската унија да покаже одлучно залагање, а земјите кандидати решеност во поглед на спроведување неопходни реформи, оценува денешен Монд.
Членството на државите од тој регион во ЕУ е еден од приоритетите на Унијата која како услов го поставува и целосното соработување со меѓународните судови и апсењето на Радован Караџиќ се поздравува како позитивен чекор.
Проблемот на кој по тоа прашање наидува ЕУ, според наводите на експерти од бриселскиот Центар за европска политика, е во тоа што се обидува во прв план да постави две стратегии - одржување мир во регионот кој се уште не е мирен и обезбедување транзиција на Западен Балкан кон Европа.
Меѓутоа, „дали таа желба за сузбивање на судирите заради безбедност е компатибилна со настојувањето тие земји да се трансформираат за да се приближат до Унијата. Дали користењето на методата ’прокеторат’ може тие земји да ги подготви за демократија?“, се прашања кои, како наведува Монд, се поставуваат во документот под наслов Балкан во Европа:сузбивање или трансформација? чиј автор е политичкиот аналитичар на споменатата работна група Роса Балфур.
Монд објавува дека во последниот извештај на ЕК од ноември 2007 година земјите кандидати се повикани да ја сузбијат корупцијата меѓу останатите негативни карактеристики.
Како проблем за патот на тие држави кон Унијата, Монд ги истакнува и одбивањето на Ирска да прифати реформи на европските институции како и фактот дека тие земји и понатаму се поделени за сложени прашања што се однесуваат на малцинствата и одредувањето на границите.
„Неопходно е да бидеме стрпливи и одлучни“, се наведуваат зборовите на комесарот за проширување Оли Рен, но како една од главните пречки на патот за „нормализирање на ситуацијата“ недвосмислено се истакнува судбината на Косово, пишува денешен Монд.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|