|
 |
Вести / Балкан
|
|
Сараевскиот бискуп бара ревизија на Дејтонскиот договор
Сараево, 8 август (МИА) - Бискупот на Католичката црква во Сараево, Перо Судар смета дека е потребна промена на политичките односи во Босна и Херцеговина, односно измена на Дејтонскиот мировен договор.
- Дејтонскиот договор мора да биде променет... Се додека претставниците на меѓународната заедница инсистираат на етнички неправедната поделба на земјата, во Босна не ќе биде можно помирување, нагласи Судар во интервју за австриската католичка агенција „Катпрес“.
Според него, во БиХ луѓето и натаму живеат „далеку од добар соживот“.
Тој оценува дека апсењето на поранешниот лидер на босанските Срби, Радован Караџиќ „делумно ја намалил болката на десетиците илјади лица кои биле мачени во логорите“, како и на членовите на семејствата на жртвите и на протераните.
Судар смета дека доколу Караџиќ биде осуден, мора да „уследат последици по иднината на земјата“, односно да дојде до промена на Дејтонскиот договор, кој според него, претставува „непремостлива препрека на патот кон вистински мир“.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|