Евростат прогнозира стареење на населението на Грција
Атина, 27 август (МИА) - Населението на Грција старее и тројца на секои десет Грци до 2035 година ќе бидат на возраст на над 65 години, според податоците на Евростат, објавена во грчкиот весник „Имерисија“.
Евростат смета дека луѓето на возраст на над 65 години ќе сочинуваат 26,3 отсто од населението на Грција до 2035 година, додека тој процент сега е 18,6 отсто. До 2060 година возрасните пак ќе бидат 31,7 отсто.
Над 80 години ќе бидат 7,9 отсто од Грците до 2035 година. Сега тие се 4,1 отсто, а до 2060 година ќе бидат 13,5 проценти.
Европските статистичари прогнозираат уште дека населението на Грција ќе се зголеми за 3,2 отсто до 2035 година.
|