|
 |
Вести / Балкан
|
|
МНР на Србија: Стравувањата по повод независноста на Косово се покажаа оправдани
Белград, 27 август (МИА) - Српското Министерство за надворешни работи соопшти дека го следи со загриженост развојот на настаните во Кавказот.
„Официјален Белград го почитува меѓународното право и во принцип, е за почитување на суверенитетот и територијалниот интегритет на меѓународно признатите држави, на прво место, на Република Србија“, се вели во соопштението кое е реакцијата на Србија по повод одлуката на Русија да ги признае за независнис грузиските територии Абхазија и Јужна Осетија.
Во него се потсетува дека српските власти постојано предупредувале дека едностраното признавање на независноста на Косово како и признавањето на тој незаконски акт, може да има карактер на преседан и да дестабилизира други региони во светот.
„Со жалење констатираме дека таквите предвидувања се остварија, се вели во соопштението од Министерството.
Амбасадорот на Русија во Белград, Александар Конузин оцени синоќа дека руското признавање на независноста на Јужна Осетија и Абхазија нема да ги ослаби позициите на Србија во одбрана на Косово, истакнувајќи дека Москва и понатаму цврсто ќе ги поддржува ставовите на Белград.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|