|
 |
Вести / Балкан
|
|
Шварц-Шилинг: ЕУ од „грузиската лекција“ да извлече поуки за Балканот
Берлин, 27 август (МИА) - Германскиот политичар Кристијан Шварц-Шилинг изјави за Тагесцајтунг дека Европската унија треба „да ја научи лекцијата“ од случувањата во Грузија за да ја поправи својата „млака“ политика спрема Западен Балкан.
„Историска трагедија е тоа што Европа се уште не е подгтовена да ги исполни задачите кои се пред неа. Уште пред десет години требаше со сите суштински, цивилни мерки да придонесеме за демократизација на Грузија, но тоа го пропуштивме. Не смееме да ја направиме истата грешка и со Западен Балкан, бидејќи тоа е регион кој се наоѓа во центарот, а не на работ на Европа, изјави тој.
Шварц-Шилинг беше до 2007 година висок меѓународен претставник во Босна и Херцеговина.
Според него, во моментов ЕУ треба најпрво да ги укине визите за земјите од Западен Балкан.
- Прашањето на визите е многу важно за младите луѓе. Речиси 80 отсто од нив сакаат да си заминат од татковината затоа што се чувствуваат затворени од сите страни, за разлика од нивните дедо и баба - каков ли парадокс!, кои порано можеа да патуваат кај што сакаа и кога сакаа, изјави Шварц-Шилинг (77), кој е член на Демохристијанската партија.
Веднаш потоа, по негово мислење, треба да следи втор чекор - ЕУ да побара нов начин за прием на тој регион во Унијата.
„Европската унија не се смета за надлежна за многу проблеми кои го засегаат Балканот. Затоа на хоризонтот се наѕираат нови, трагични судири, смета тој.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|