|
 |
Вести / Балкан
|
|
Писатлеката Славенка Дракулиќ ја предупредува ЕУ на „скриеното лице“ на Хрватска
Лондон, 29 август (МИА) - Хрватската писателка Славенка Дракулиќ ја предупредува Европската Унија на скриеното лице на Хрватска, кога станува збор за „усташкото минато“ на земјата и на нејзината европска перспектива.
Како што јави дописникот на МИА од Лондон, Дракулиќ во авторски текст за лондонскиот весник „Гардијан“ го посочува случајот со поранешниот командант на усташкиот логор во Јасеновац, Динко Сакиќ, кој бил погребан во усташка униформа, а свештеникот на погребната церемонија истакнувал дека Хрватите треба да му се восхитуваат на покојникот.
Дракулиќ го споменува и случајот со Звонко Бусиќ, кој на загребскиот аеродром, по враќањето од САД по поминатите 32 години во затвор (осуден за терористичка активност против поранешна СФРЈ), бил пречекан од поголема група „устаски приврзаници“, од кои некои го поздравувале со „усташкиот поздрав“.
Писателката во „Гардијан“ го споменува и случајот со популарниот хрватски пејац Мирко Перковиќ-Томпсон, затоа што на неговите концерти публиката „повикува на убивање на Србите“. Според Дракулиќ сите овие примери покажуваат дека не станува збор толку за рехабилитација на фашистичката идеологија, колку за немањето волја на сегашните хрватски власти и на државните институции, пред се на полицијата и на обвинителствата, да реагираат.
Хрватската писателка која живее во Велика Британија вели дека е разочарана што на концертите на Томпсон присуствуваат често и министри, иако премиерот Иво Санадер гласно постојано се залага за почитување на европските вредности и за влегување на земјата во ЕУ.
- Дали на Европската Унија и е потребна една ваква Хрватска, која на светот му се прикажува само во своето летно лице, криејќи ги притоа, своите други, длабоко всадени вредности, пишува во својот авторски текст во „Гардијан“ Дракулиќ.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|