|
 |
Вести / Балкан
|
|
Караџиќ одби да се изјасни за вината пред Хашкиот трибунал
Хаг, 29 август (МИА) - Поранешниот политички лидер на босанските Срби Радован Караџиќ денеска одби да се изјасни за виновен или невин на предавањето на обвинението против него за воени злосторства, злосторства против човештвото и геноцид, пред Меѓународниот трибунал во Хаг, пренесе Франс прес.
-Согласно она што претходно го реков, одбивам да се изјаснам, рече Караџиќ додека британскиот судија Јан Бономи му ги редеше 11-те точки од обвинението против него за неговата улога во војната во Босна од 1992 до 1995 година.
-Во тој случај, јас во Ваше име се изјаснуван за невин, изјави судијата.
Во првичното појавување пред судот на 31 јули обвинетиот побара да го искористи законскиот рок од 30 дена за размислување, на што има право.
Обвинетиот самиот пред судијата потврди дека се откажува од правото да биде бранет од адвокат. „Сакам самиот да се бранам“, изјави Караџиќ.
-Уште не сум ја составил мојата екипа на соработници и правни помошници, прецизира Караџиќ, објаснувајќи дека не сака да се изјаснува бидејќи очекува нова верзија на обвинителниот акт против него.
Радован Караџиќ беше уапсен на 21 јули во Белград.
Тој се смета за стратегот на „етничкото чистење“, преземено со поддршка од Белград, против муслиманите и Хрватите за време на војната во Босна, смета обвинителот на Трибуналот.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|