|
 |
|
Вести / Балкан
|
|
Нафтени компании го потткопуваат енергетскиот договор на Србија со„ Газпром“, тврди српски опозициски политичар
Белград, 5 септември (МИА) - Нафтени компании од Југоисточна Европа се обидуваат да го потткопаат енергетскиот договор за продажба на „Нафтената индустрија на Србија“ (НИС) на рускиот гигант „Газпром“, изјави високиот функционер на опозициската Демократска партија на Србија (ДСС), Ненад Поповиќ во интервју за белградскиот весник „Вечерне новости“.
Според Поповиќ, обидот на некои министри од српската Влада да ја зголемат цената на акциите на НИС над договроената сума со „Газпром“, има за цел само да го поткопа енергетскиот договор меѓу Русија и Србија.
- Зад таквиот лицемерен обид стои регионалното економско и политичко лоби. Тоа ги штити сопствените нафтени компании, кои имаат монопол на српскиот пазар, изјави Поповиќ, кој беше еден од активните учесници во склучувањето на договорот за енергетска соработка меѓу Русија и Србија, потпишан на 25 јануари во Москва. Со договорот се предвидува продажба на 51 отсто од акциите на НИС на „Газпром“ за цена од 400 милиони евра.
Како главен „уривач“ на енергетскиот договор, Поповиќ го посочи српскиот вицепремиер Млаѓан Динкиќ, но одби да ги именува „регионалните монополски нафтени компании“ кои се вклучени во целиот процес.
- Станува збор за две големи компании кои имаат монопол на српскиот пазар на нафтени деривати. И двете компании потекнуваат од соседни држави-членки на ЕУ. Нив не им одговара влезот на „Газпром“ од Србија и претворањето на НИС во најсилна нафтена компанија во Југоисточна Европа, нагласи Поповиќ.
|
|
|
|
|
|
|
|
 |
Фото експрес
|
|
|
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|