|
 |
Вести / Балкан
|
|
Фејт: Иницијативата на Србија за Косово е легитимна, но не е од корист во овие околности
Приштина, 6 октомври (МИА) - Високиот претставник на Европската унија за Косово Питер Фејт изјави денеска дека Србија има легитимно право да побара мислење од Меѓународниот суд на правдата околу независноста на Косово, но напомена дека смета оти таа иницијатива не е од корист во овие околности.
- Независноста на Косово е неповратна, за тоа не може да се преговара и тоа е затворено прашање. Ова треба да се има предвид во нашиот иден дискурс, изјави Фејт, говорејќи на конференција организирана од Клубот за надворешна политика во Приштина.
Тој најави дека во среда, истиот ден кога во Обединетите нации ќе се гласа за предлогот на Србија Меѓународниот суд за правдата да ја разгледа легитимноста на прогласувањето на независноста на Косово, во Приштина ќе престојува еврокомесарот за проширување Оли Рен.
Фејт додаде дека на Србија треба јасно да и се предочи дека не може да оди напред на патот кон целосно интегирање во ЕУ, доколку продолжи да создава проблеми во однос на воспоставувањето на мисијата Еулекс.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|