|
 |
Вести / Балкан
|
|
Во Сараево уапсен водачот на муџахедините во БИХ Абу Хамза
Сараево, 7 октомври (МИА) - Поранешниот водач на муџахедините во Босна и Херцеговина Имад ал Хусеин, попознат како Абу Хамза, е уапсен вчера во Сараево, соопшти босанското Министерство за безбедност.
Абу Хамза е уапсен од службите за безбедност, по што е испратен во Имиграцискиот центар. Полицијата не ги соопштува причините за неговото апсење.
Сириецот Абу Хамза, беше член на единицата „Ел Муџахид“ во составот на босанската армија за време на војната во БИХ во 90-те години, чии белези беа жестокоста и ужасните злосторства, извршувани од нејзините членови, вклучувајќи и дел сторени пред
камери. Тој беше меѓу групата од неколку стотини исламиски борци, кои по војната добија босанско државјанство, за што согласност даде покојниот претседател Алија Изетбеговиќ, од кого меѓународната заедница побара да ги екстрадира муџахедините по потпишувањето на Дејтонскиот договор во 1995 година.
Државјанството на Абу Хамза, меѓутоа, беше одземено во 2007 година, откако се утврди дека го добил на незаконски начин.
Абу Хамза побара од Уставниот суд на Босна и Херцеговина да ги спречи властите да го протераат од земјата. Тој помош побара и од Европскиот суд на правата на човекот во Стразбур наведувајќи дека со депортирањето му се нарушуваат основните човекови права
Според неговиот адвокат Осман Мулахалиловиќ испраќањето на Абу Хамза во Имиграцискиот центар е првиот чекор кон неговата депортација и „ е во спротивност со наредбата на Европскиот суд за правата на човекот во Стразбур“.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|