|
 |
Вести / Балкан
|
|
Утрешниот штрајк на националниот сообраќај ќе ја парализира Грција
Атина, 7 октомври (МИА) - Дваесет и четири часовниот штрајк на вработените во атинското метро и тричасовниот прекин на работата на електричната железница, автобускиот сообраќај и тролејбусите се вклучени во утрешната протестна иницијатива на најголемата грчка синдикална организација - Конфедерација на грчките работници.
- Актуелната политика ги става под хипотека иднината и перспективите на земјата, интересите на општеството и правата на работниците. Ваква неолиберална политика во моментов се води во земјата, кога во целиот свет пропаѓаат фирми, товарот се префрла врз плаќачите на данок, врз обичните граѓани и врз работниците, се наведува во соопштението на Конфедерацијата.
Атинската градска железница, автобусите и тролејбусите ќе ја прекинат работата по три часа на почетокот и на крајот од смената. Националното железничко претпријатие ќе ги прекине движењата на сите патнички и товарни возови, вклучувајќи и на некои меѓународни линии.
Утре ќе бидат откажани и 50 национални и меѓународни летови на грчаката државна авиокомпанија „Олимпик“.
Грчката телекомуникациска компанија ќе прекине со работата од 10 до 13 часот, а од 11 до 15 часот нема да работат и државните болници.
Претпладне е предвиден и митинг на синдикатите на централниот плоштад во Атина.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|