|
 |
Вести / Балкан
|
|
Признавањето на Косово е мешање во внатрешните работи на Србија
 Подгорица, 10 октомври (МИА) - Одлуката на Црна Гора да ја признае независноста на Косово е мешање во внатрешните работи на Србија и удар врз нејзиниот територијален интегритет и суверенитет, оцени синоќа српскиот амбасадор во Подгорица Зоран Лутовац, пренесува Танјуг.
Лутовац изјави дека ваквата одлука беше очекувана, но дена без разлика на тоа, Србија е разочарана со одлуката на Подгорица.
-Разочарувањето доаѓа од таму што Генералното собрание на ОН изгласа резолуција со која се наложи Меѓународниот суд на правдата да даде свое мислење за легалноста на прогласувањето на независноста на Косово, изјави српскиот амбасадор во емисијата „Вијести“ на црногорската телевизија.
Тој изјави дека овој чин за жал, е начин што може да се толкува како искористување и инструментализација на Црна Гора и Македонија затоа што „една голема сила го покажува своето потценување кон системот на ОН, Генералното собрание и Меѓунардониот суд на правдата.
Лутовац изјави дека фактот што од албанските лидери на Косово дознал за одлуката за признавање, покажува дека таа била донесена „ на некое друго место“.
-Соопштена, е за жал, во еден многу незгоден момент за Србија, кога таа требаше да прослави една голема дипломатска победа и кога се обиде тој проблем од политичкото да го префрли на правното ниво, наведе Лутовац.
Осврнувајќи се на одлуката на Владата на Србија да и го ускрати гостопримството на црногорскиот амбасадор Анка Војводиќ, Лутовац изјави дека таквата одлука зависи од земја до земја, но потсети дека одлуката за прогласување на амбасадорката Војводиќ за персона нон градат не е некое изнанедување.
-Црногорските функционери на време ја добија информацијата, иако преку медиумите пласираа приказни дека Србија нема ниту да реагира, дека тоа ќе биде млака реакција и дека кратко ќе трае, рече Лутовац.
На крајот, тој наведе дека Белград прави разлика меѓу тоа што претставува донесена одлука и фактот дека зад таа одлука не стои огромното мнозинство од населението.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|