|
 |
Вести / Балкан
|
|
Сејдиу: Признавањето на Косово од страна на Македонија и Црна Гора придонес за мирот и стабилноста во регионот
Приштина, 10 октомври (МИА) - Косовскиот претседател Фатмир Сејдиу изјави денеска дека признавањето на Косово од страна на Македонија и Црна Гора ќе биде во функција на продлабочување на исклучително добрата соработка со тие земји и оти тоа ќе влијае на зајакување на стабилноста и мирот во регионот.
Сејдиу на прес-конфереција во Приштина нагласи дека граѓаните и институциите на Косово се силно уверени дека новите признавања на независноста на Косово директно влијаат на зајакнувањето и забрзувањето на вклучувањето на Косово во процесите за европска и евроатлантска интеграција.
Тој истакна дека успешноста во работењето на демократските институции, добрососедските односи и евроатлантските интеграции се најздрав темел за идните односи.
- Косово е цврсто определено да ги оствари ветувањата што ги даде за обезбедување и остварување на правата и слободите на сите граѓани, без разлика на националноста, расната и верската припадност, додаде Сејдиу.
Претседателот на Косово нагласи дека денеска имал мошне срдечни разговори со претседателите на Црна Гора и Македонија, Филип Вујановиќ и Бранко Црвенковски, на кои во свое име и во името на народот и институциите на Косово им се заблагодарил за признавањето на независноста.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|