|
 |
Вести / Балкан
|
|
Потребна помош на Унгарија од ММФ за надминување на кризата
Брисел, 15 октомври (МИА) - Унгарија, можеби ќе биде прва земја во Европската унија која од Меѓународниот монетарен фонд (ММФ) ќе побара кредит за надминување на финансиската криза.
ММФ соопшти, дека заедно со ЕУ се подготвени да понудат финансиска и стручна помош на Унгарија, која поради внатрешен и надворешен дефицит во голема мерка е загрозена со финансиската криза.
Унгарскиот премиер Ференц Ѓурчан, изјави дека ќе ја искористи помошта на ММФ само во краен случај.
- Понудата на Меѓународниот монетарен фонд покажува дека не сме сами и дека имаме силни сојузници, рече Ѓурчан.
Едно евро до крајот на минатата недела се менуваше за 272,5 форинти што е рекорд во изминатите две години, кога инвеститорите ги префрлија парите надвор од земјата, а Владата и Централната банка ги претставија мерките за поддршка на финансискиот пазар и банкарскиот систем. Понудено е на најголемата домашна банка ОТП гаранција за сите нивни меѓубанкарски позајмици.
Унгарскиот Парламент, исто така, по примерот на другите земји во ЕУ, го зголеми лимитот за осигурување на штедните влогови за шест на 13 милиони форинти (околу 50.000 евра).
Европската унија ја критикуваше Унгарија поради пристапот на економските проблеми. Будимпешта лани забележа највисок дефицит на јавни финансии во земјите на Европска унија од 5,5 отсто бруто домашен производ.
Унгарската влада најави дека оваа година ќе го намали дефицитот на јавните финансии на 3,4, а на наредната на 2,9 отсто БДП.
Министерот за финансии Јанош Вереш, призна дека финансиската криза ги загрозува тие планови.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|