|
 |
Вести / Балкан
|
|
Неопходна е промена на Дејтонскиот договор смета членот на босанското претседателство Жељко Комшиќ
Виена, 3 јули (МИА) - Членот на претседателството на Босна и Херцеговина Жељко Комшиќ оцени дека Дејтонскиот договор ги запира реформите во Босна и Херцеговина и промената на уставот е неизбежна.
- Сложената Дејтонска структура на државата пречи на неопходните реформи, истакна Комшиќ.
Тој изрази надеж дека изборите идната година ќе ги променат политичките односи во земјата.
Дејтонскиот договор не го реши на задоволителен начин етничкото прашање во Босна и Херцеговина, смета Комшиќ, кој од 6 јули го презема претседателството на Босна и Херцеговина.
Според него, трите народи на Босна и Херцеговина се незадоволни од ситуацијата околу уставот.
Дејтонскиот мировен договор, што беше потпишан со посредство на САД во 1995 година, стави крај на војната во Босна и Херцеговина, во која загинаа 100.000 лица.
Согласно договорот, Босна и Херцеговина е единствената држава со централна Влада, која се состои од Федерацијата Босна и Херцеговина (муслиманско-хрватска федерација) и Република Српска.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|