Двајца косовски Албанци обвинети за тероризам во САД

Њујорк, 28 септември (МИА) - Двајца мажи, едниот со потекло од Косово, планирале покрај терористички напади во странство, за што се и претходно обвинети, и напад врз база на маринци во Вирџинија, соопштија американските власти. 

Даниел Патрик Бојд и Хисен Шерифи се наоѓаат меѓу седуммината уапсени во август во Северна Каролина под сомнение дека планирале напади во странство, како и за давање материјална поддршка на терористи. Според најновото обвинение, тие двајца исто така планирале и напади врз американскиот воен персонал во база во Вирџинија.

Американското обвинителство нагласи дека Бојд бил инструктор за обука во терористички кампови во пакистан и Авганистан од 1989 до 1992 година, додека Шерифи е роден на Косово со постојан престој во САД.

САД покренаа обвинение и против Бетим Казиу, уште еден Американец со потекло од Косово, кој во август е уапсен на Косово поради намера да им се приклучи на исламските екстремисти во борба против американските сили во Ирак, Авганистан и на Балканот, соопштија американските власти.

Казиу во февруари годинава заминал во Египет за да набави оружје, а потоа на Косово, каде косовските власти го упасиле кон крајот на минатиот месец.