Истанбул, 8 јуни 2010 (МИА) - Русија ја осудува акцијата на Израел против хуманитарниот конвој за Газа и ќе го заштити тој став во Советот за безбедност на ОН, изјави рускиот премиер Владимир Путин на заедничка прес-конференција со турскиот премиер Реџеп Таип Ердоган во Истанбул.
- Ги разбираме чувствата на турските власти, изразуваме сочувство за жртвите и ќе го браниме својот став пред Советот за безбедност на ОН, рече рускиот премиер.
Според него особено жалење предизвика тоа што нападот против конвојот е извршен во неутрални води и тој факт бара специјално внимание.
Ердоган оцени дека ставот на Русија во врска со ова прашање е „отворен и јасен“ и се заблагодари на поддршката и позитивниот приод на руската страна кон позицијата н Турција.
- Турција ќе продолжи на секое меѓународно ниво да ги заштитува правата на своите граѓани вклучувајќи ги и загинатите во нападот, истакна Ердоган.