Загреб, 9 јуни 2010 (МИА) - Хрватската полиција синоќа во реонот на Загреб го уапси припадникот на „Земунскиот клан“, Сретко Калиниќ, кој е еден од обвинетите за атентатот врз поранешниот српски премиер Зоран Ѓинѓиќ.
Портпаролот на хрватската полиција Крунослав Боровец, Калиниќ бил пронајден со истрели од огнено оружје во близина на езерото кај Ракитја, додавајќи дека тој најверојатно бил повреден во „пресметка меѓу припадници на српското подземје“.
Според Боровец, ранетиот Калиниќ му пришол на еден случаен минувач, побарал од него помош, по што паднал во несвест. Минувачот веднаш ја информирал полицијата, по што Калиниќ бил пренесен во болница во Загреб, каде му е укажана лекарска помош и е вон животна опасност.
Хрватските медиуми објавуваат дека Калиниќ најверојатно бил застрелан од неговиот долгогодишен соработник Милош Симовиќ, кога Судот во Белград во отсуство го осуди на 40 години затвор поради учество во убиството на Ѓинѓиќ.
Калиниќ и Сомовиќ од атентатот врз Ѓинѓиќ во 2003 година се наоѓаат во бегство.