Белград, 8 септември 2010 (МИА) - Претставниците на словенечката, хрватската и српската железница ќе се сретнат денеска во Белград поради усогласување на предлогот за формирање на заедничко претпријатие со законодавството на трите држави, со цел да се намали времето за транспорт на стоката на Коридорот 10, изјави синоќа српскиот помошник министерот за инфраструктура Дејан Ласица.
Тој истакна дека на 8 и 9 септември се датуми за сериозни преговори од кои се очекува дека ќе се добие основачкиот акт, по што владите на трите држави ќе мора да го потврдат основањето на заедничкото претпријатие.
Ласица истакна оти првите возови веќе почнале да сообраќаат. Тие настапуваат со заедничка понуда и цена.