Лондон, 15 октомври 2010 (МИА) - Американскиот државен секретар Хилари Клинтон за време на својата трнеја низ Балканот не донесе и не понуди никакви револуционерни пораки, пишува лондонски „Економист“.
Како што јави дописникот на МИА од Лондон, неделникот забележува дека Клинтон им порача на Белград и на Приштина да седнат и да почнат да преговараат, а го критикуваше лидерот на Србите во Босна и Херцеговина Милорад Додик затоа што се занимава со отцепување и распад на оваа држава.
Бака изведената посета на Клинтон наидува на критики во некои политички кругови, кои се прашуваат зашто таа воопшто доаѓаше на Балканот, наведува „Економист“.
Весникот тврди дека целта на посетата на Клинтон на Балканот не била носењето револуционерни пораки, туку потребата на меѓународната заедница и натаму да ги турка Србите, Албанците и Босанците да ги решат своите проблеми.
Неименуван дипломат за неделникот изјавил дека и натаму е неопходно да се врши притисок врз балканските политички лидери за да се договараат со цел Балканот по некоја година одново да не се најде во вителот на нова војна.
САД и Европската унија работат и на создавање нова стратегија за Босна и Херцеговина, со која би се спровеле реформите што се неопходни за натамошното приближување на државата до НАТО и ЕУ, открива „Економист“.