Софија, 29 ноември 2010 (МИА) - Во Бугарија, според официјалните медицински податоци, има повеќе од 1.200 заболени од сида.
Од 1 декември - Светскиот ден за борба против сидата, во Бугарија ќе започне национална кампања „Јас знам“, со цел да се подобри истражувањето и раното дијагностицирање на болеста.
Организаторите на кампањата подготвиле информативни материјали, на кои се наоѓаат и адреси на кабинетите за анонимни и бесплатни консултации и истражувања.
Претседателот на Националната агенција на пациентите Станимир Хасарџиев изјави дека младите луѓе исклучително ретко прават тестови за ХИВ вирусот. Според него, сега постојат и тестови кои можат да се купат во аптеките, а во случај на позитивен резултат луѓето треба да извршат лекарски преглед во некоја од болниците.