Белград, 9 август 2011 (МИА) - Србија и Косово ќе ги обноват преговорите на 5 септември, изјави главниот преговарач на Белград Борислав Стефановиќ.
Преговорите, кои се водат со помош на ЕУ од март, беа прекинати во јули, кога Србија одби да дозволи транзит на косовски стоки преку нејзините граници. Тоа ги принуди косовските власти да наложат ембарго врз увозот на српски стоки во Косово, а косовската полиција ја презеде контролата врз граничните пунктови Јариње и Брњак.
Косовските Срби потоа кренаа барикади на сите главни патишта во реонот, кои се очекува да бидат отстранети утре, откако лидерите ќе го одобрат договорот меѓу Белград и Приштина за намалување на тензиите, постигнат со посредство на НАТО.