Анкара, 25 октомври 2011 (МИА) - Бебе старо 14 дена беше извадено живо од под урнатините, 46 часа по земјотресот во југоисточниот турски округ Ван.
Спасувачите веруваат дека постои голема веројатност дека е жива и мајката на детето и оти таа се наоѓа под урнатините.
Во меѓувреме седумкатна зграда се урна во градот Ван два дена по силниот земјотрес.
Блок со 46 апартмани се урна, а не е познато дали во зградата имало луѓе, но според очевидци се слушале гласови.
Земјотресот со интензитет од 7,2 степени поред Рихтеровата скала во неделата попладне го погоди југоисточниот дел на Турција, а потоа следеа стотици вторични потреси. Властите ги предупредија преживеаните да не влегуваат во оштетените згради.