Анкара, 28 октомври 2011 (МИА) - Билансот на загинатите во катастрофалниот земјотрес кој ја погоди Турција во неделата, достигна 570 лица, а 2.555 лица се ранети, соопшти Центарот за управување со кризи и вонредни ситуации при канцеларијата на турскиот премиер.
Вкупно 187 лица се извадени живи од под урнатините на зградите, кои беа разурнати во земјотресот со интензитет од 7,2 степени според Рихтеровата скала, кој ја погоди Источна Турција.
Спасувачките екипи се уште трагаат по евентуалните преживеани од под урнатините, а 108 часа по земјотресот беше изваден 13-годишниот Ферхат Токај, кој бил затрупан во продавницата за чевли, каде работел.