Атина, 5 ноември 2012 (МИА) - Барањето европско решение за проблемите е предуслов за европскиот пат на Скопје, изјави бугарскиот премиер Бојко Борисов во интервју за грчкиот весник „Етнос“.
Како што пренесува БТА, тој повторува дека Бугарија прва ја признала државата Македонија.
- Од страна на Бугарија тие секогаш го добивале најдоброто разбирање... Десетици илјади граѓани на земјата побараа бугарско државјанство и пасоши, наведува Борисов.
Борисов за „Етнос“ потенцира дека Софија вложува големи напори да не коментира се што прави Владата во Скопје.
- Владата во Скопје треба да ги реши проблемите на еден европски начин, за да може да добие наша поддршка, истакнува Борисов.
Бугарскиот премиер позитивно одговори на прашањето дали тоа е услов за поддршка на Македонија од страна на Бугарија.
- Да. Природно. Истото важи и за Турција. Ако една држава ги исполнува критериумите за членство е добредојдено. Истото важно за Србија, за Босна и Херцеговина. Најдобро е сите земји од регионот е да се членки на НАТО и на ЕУ, нагласува Борисов.
Во коментаторот на „Етонс“ изјавата на Борисов се оценува како посебно важна за Грција и оти „земјата првпат нема да биде сама, а ќе има уште една земја сосед на Македонија, која стравува од националистичките претензии од скопската Влада“, јави БТА.