Берлин, 23 октомври 2013 (МИА) - Претседателот на Европската комисија во интервју за германскиот весник „Билд“ се заложи за прием на сите балкански земји во Европската унија.
- На подолг рок (во ЕУ) ќе ги примиме сите балкански земји, кога ќе ги исполнат условите и критериумите на Унијата, нагласува Барозо.
- Некои од овие земји до неодамна војуваа меѓусебе, но сега пристапувањето кон ЕУ им дава перспектива и претставува важно средство за воспоставување на мирот во регионот, истакнува првиот човек на Еврокомисијата.
Како што јави ИТАР-ТАСС, Барозо потенцира дека покрај за државите од Западен Балкан, вратите на ЕУ остануваат отворени и за влез на Турција, додавајќи дека таа преставува „важна земја од економска и геостратешка гледна точка“.
Тој во интервјуто ги отфрла обвинувањата за бирокатизираност на ЕУ, нагласувајќи дека Еврокомисијата не е „коренот на злото“, бидејќи многу од регулативите на Унијата ги носат самите земји-членки, а не Брисел.