Јованка Броз, вдовицата на поранешниот претседател на Југославија, Јосип Броз Тито, денеска ќе биде погребана во „Куќата на цвеќето“ во Белград, каде почиваат и посмртните останки на нејзиниот сопруг.
Погребот ќе биде извршен со сите воени почести, бидејќи Јованка Броз е носител на партизански одличја и била потполковник на Југословенската народна армија.
Српскиот премиер Ивица Дачиќ ќе одржи говор во име на владата на Србија.
Заменик-премиерот Расим Љајиќ, кој е претседател на организациониот одбор за погребот изјави дека последната желба на Јованка Броз била таа да биде погребана до својот сопруг.
Се очекува на погребот да присуствуваат голем број делегации од сите поранешни југословенски републики.
Јованка Броз почина вчера во Белград на 89 години, откако на 23 август во тешка здравствена состојба беше примена во Ургентиот центар.