Анкара, 15 април 2014 (МИА) – Турција активира дипломатски напори да лобира за избор на државата за непостојана членка на Советот за безбедност на ОН за периодот 2015-2016 година, обајви весникот „Сабах“.
Турскиот министер за надворешни работи Ахмет Давутоглу минатата недела имал во Њујорк средби со претставници од 80 држави за да побара од нив поддршка за кандидатурата на Турција.
Конкуренти на Турција се Шпанија и Нов Зеланд.
За добивање место неспостојана членка на СБ на ОН е неопходно државата да добие поддршка од најмалку 129 држави членки на светската организација. Турција беше непостојана членка на Советот за безбедност на ОН во периодот 2009-2010 година.