Атина, 16 април 2014 (МИА) - Двајца Грци се осудени на доживотна казна затвор поради убиството на 27-годишен работник - Пакистанецот Сахзат Луман во атинскиот кварт Петралона пред една година.
Судот едногласно донесе пресуда за Дионисис Лиакопулос и Кристос Стергиопулос, прифаќајќи го барањето на обвинителството за нивно казнување.
Според пресудата двајцата извршиле убиство во стабилна ментална состојба и нанеле седум убоди со нож на жртвата. Тие заеднички одлучиле да го одземат животот на невин странец. Кој го нанел смртоносниот удар не е важно, важно е дека двајцата сакале да го направат тоа уште од самиот почеток, се наведува во пресудата.