Приштина, 22 април 2014 (МИА) - Косовскиот министер за животна средина и територијално планирање на Косово Дардан Гаши објави дека ќе биде урната незавршената црква „Свети Спас“, која се наоѓа на територијата на Приштинскиот универзитет во центарот на главниот град, јави Танјуг.
Гаши изјави за косовската телевизија РТВ 21, дека објектот од времето на Слободан Милошевиќ е изграден без дозвола и ќе биде третиран како таков.
- Тоа е чувствително прашање, но законот треба да биде еднаков за сите објекти. Тоа е објект без дозвола и ќе биде третиран како секој објект, кој нема дозвола во Косово, рече Гаши.
Рашко-призренската епархија на Српската православна црква соопшти дека тоа е отворена провокација, која има за цел да им наштети на меѓуетничките и меѓурелигиозните односи во Косово, особено во времето на најголемиот христијанки празник Велигден.