Анкара, 20 јули 2014 (МИА) - Турскиот премиер Реџеп Таип Ердоган го повика денеска Вашингтон да направи „самокритика“, откако Стејт департментот ја оцени неговата изјава, која ја осудува израелската офанзива во Газа, како навредлива и погрешна.
- Ако Америка продолжува да тврди дека „Израел го користи своето право на самозаштита“, неоспорно е дека Америка е таа, која треба да си даде самокритика, изјави Ердоган.
Портпаролот на Стејт департментот Џен Псаки ја оцени како навредлива и погрешна изјавата на турскиот премиер Реџеп Таип Ердоган на адреса на Израел, во која тој изјави дека европската применува „државен тероризам и геноцид во Појасот Газа“.
Портпаролката изјави во одговор на новинарско прашање во врска со изјавата на Ердоган дека нема полза од вакви провокативни изјави и тие го отстрануваат вниманието од напорите за обезбедување на прекин на огнот.