Вучиќ: Душан Вујовиќ ќе биде нов министер за финансииБелград, 21 јули 2014 (МИА) - Српскиот премиер Александар Вучиќ изјави дека Душан Вујовиќ ќе биде нов министер за финансии и оти пред 4. август, стоте денови од работата на Владата, ќе има смена на многу директори на јавни претпријатија.
- Душан Вујовиќ ќе биде нов министер за финансии, а за економија дополнително ќе се одлучи, посочи Вучиќ за „Блиц“.
Вујовиќ е актуелен министер за економија, а сега ја извршува должноста министер за финансии по оставката на Лазар Крстиќ.
- За нас е најважна реформата на јавните претпријатија и таму каде доцневме во првите сто денови ќе одработиме, ќе има смени на директори на многу фирми и тоа пред 4. август, посочи Вучиќ, додавајќи оти директорите ќе бидат избрани на конкурс.
|