Брисел, 22 јули 2014 (МИА) - Хрватскиот министер за надворешни работи и европски прашања Весна Пусиќ призна денеска дека меѓу земјите од ЕУ се уште нема едногласност во однос на примена на „третата фаза“ санкции против Русија, што се однесува за цели сектори од економијата, јави ИТАР-ТАСС.
- Сметам дека сега ќе постигнеме консензус со колегите и ќе има придвижување во таа насока, рече Пусиќ при пристигнувањето во Брисел за средба на шефовите на дипломатиите од ЕУ, на која една од главните теми ќе биде ситуацијата во Украина.