Анкара, 23 јули 2014 (МИА) - Европската комисија го следи процесот со приведените 99 полицајци во Турција, изјави Петер Стано, портпарол на еврокомесарот за проширување Штефан Филе.
Стано за турскиот весник „Заман“ истакна дека ЕК сака независна и непристрасна судска процесура за приведените полицајци во согласност со стандардите на Европската унија.
Некои од приведените поранешни полициски началници биле на клучни функции за време на полициската операција против корупцијата, што почна на 17 декември.
Во рамките на антикорупциската истрага беа приведени синови на двајца министри, директорот на државната „Халкбанк“, државни службеници и бизнисмени. Тројцата министри, чии синови беа засегнати од истрагата поднесоа оставки. Како одговор на антикорупциската истрага Владата смени неколку илјади полицајци и неколку стотина судии и обвинители.