Опозицијата го напушти бугарскиот Парламент

Софија, 30 јули 2014 (МИА) - Главната бугарска опозициска партија, Граѓани за демократски развој на Бугарија (ГЕРБ) денеска соопшти дека го напшута Парламентот и дека нема да учествува во работата на собраниската седница закажана за в понеделник.

- Доволно беше. Од сега натаму одговорноста е само на БСП (Бугарската социјалистичка партија). Ако им си носат закони, нека се договорат со ДПС (Движењето за права и слободи) и со „Атака“, како што прават веќе година и два месеци и потоа нека ги спроведуваат. Тоа е нивна работа, изјави лидерот на ГЕРБ, Бојко Борисов, додавајќи дека веќе ништо неможе да ја врати опозицијата во пленарната сила.

Борисов истакна дека ГЕРБ „како одговорна политичка сила, многу сакала да им помогне на претседателот и на Владата, но дека тоа веќе е невозможно“.

Потпреседателот на Народното собрание на Бугарија, Маја Манолова минатата недела најави дека најдоцна до 5 август ќе се одржи седница на Парламентот на која ќе биде донесена одлука за негово распуштање, со цел, согласно претходно постигнатиот договор, предвремените парламентарни избори да се одржат на 5 октомври.

Последните парламентарни избори во Бугарија се одржаа лани во мај.