Анкара, 21 август 2014 (МИА) - Двете најголеми опозициски партии во Турција сметаат дека останувањето на новоизбраниот шеф на државата Реџеп Тајип Ердоган на премиерската функција е неуставно.
Ердоган е избран за претседател на Турција на 10 август, но ќе остане на премиерското место до 28 август, кога ќе положи заклетва како шеф на државата.
- Откако тој стана 12-тиот претседател на Турција, неговиот пратенички мандат автоматски се прекинува согласно Уставот, изјави вчера лидерот на Партијата за националистичко дејствување, Девлет Бахчели.
Според него, Ердогантребал да поднесе оставка како премиер уште на 15 август, кога Изборната комисија ги соопшти официјалните резултати од претседателските избори.
Портпаролот на Народнорепубликанската партија, Халук Коч, исто така, вчера нагласи дека остануваето на Ердоган на премиерската функција го прекршува Уставот.
Ердоган победи на претседателските избори во Турција, освојувајќи 51,79 проценти од гласовите.