Еден загинат при несреќа во рудник во ТурцијаАнкара, 19 сепември 2014 (МИА) - Еден рудар загина денеска при уривање на сводот во рудник во северниот турски округ Бартан, јави агенцијата Анадолија.
Претставник на рудникот инфорнира дека загинатиот работник е кинески државјанин, како и дека при инцидентот е повреден уште еден рудар, кој исто така е Кинез.
Причините за несреќата во рудникот засега не се познати.
Турските медиуми јавија дека при одронот на сводот биле затрупани двајца рудари, кои набрзо биле извлечени од рударската јама и пренеси в болница, каде едниот набрзо им подлегнал на здобиените повреди.
ИТАР-ТАСС меѓутоа јави дека при несреќата во рудникот биле затрупани најмалку 15 рудари, од кои 13 Кинези и двајца Турци.
При несреќа во рудник за јаглен во градот Сома во западниот дел на Турција во мај оваа година, загинаа 301 рудар што претставуваше досега најтежок инцидент во историјата на турската рударска индустрија.
|