Вашингтон, 22 септември 2014 (МИА) - Турција треба да биде партнер во коалицијата против групата Исламска држава, изјави портпаролот на Пентагон, Џон Кирби, потенцирајќи го геогафското значење на земјата.
- Дали ќе придонесат со воено учество зависи од нив. Ние немаме конкретно барање кон Анкара. Ние го побаравме нивниот став за оваа ситуација и побаравме да одлучат што е можно за нив. Тие предложија идеи за некои работи, кои би можеле да ги сторат и кои може да бидат корисни, истакна Кирби за весникот „Хуриет дејли њуз“.
- Тие нека одлучат за тоа. Но ние знаеме дека Турција од географска гледна точка треба да биде партнер во тие напори, додаде портпаролот на Пентагон.
Тој истакна дека кампањата нема нема да биде само воена. - Тоа не е само воена кампања. Тоа е целосен поход. Регионален, политички, економски и воен. Има воена компонента во него. Но тоа не е единствената компонента. И Турција може да придонесе на други начини освоен во воената компонента, истакна портпаролот на Пентагон.
Кирби нагласи дека САД се свесни оти Турција има голем интерес за ова прашање од гледна точка за нејзината национална безбедност.
- Секој ден тие треба да се справат со над еден милион бегалци. Имаат странски борци, поради кои се возменирени, на границата и внатре во Турција. Оправдано очекуваме дека Турција ќе придонесе на овој или на оној начин, рече Кирби.