Анкара, 28 септември 2014 (МИА) - Турскиот премиер Ахмет Давутоглу денеска упати една од најострите реакции кон џихадистичката организација Исламска држава, објави „Хуриет дејли њуз“.
Давутоглу ИД ја нарече „варварска“ и „неписмена“. Неговата изјава е дадена во моментот кога турската Влада разгледува начини за вклучување во воената кампања, предводена од САД, против ИД.
- Заедничко на луѓето кои ја поврзуваат ИД со исламот е нивното незнаење. Од друга страна, варварството, што ИД денес го прави, е производ на нивното незнаење. Цивилизациите развиени од исламот и исламските општества не можат да бидат поврзани со ИД, истакна Давутоглу.