Јахјага: САД не го одредуваат премиерот во Косово

Приштина, 30 септември 2014 (МИА) - Кабинетот на косовската претседателка Атифете Јахјага денеска демантира дека таа од САД донела коверт со името на консензуалниот премиер, кој би бил прифатлив за сите.

Таа раазговараше со парламентарната Група шест плус, составена од пратеници на турската и бошњачката заедница, чиј претставник Махир Јагџилар изјави дека групата ќе ги поддржи двајцата кандидати за претседател на косовскиот Парламент, со цел да се формираат косовските институции.

Јахјага синоќа имаше средба со лидерот на Движењето Самоопределување, Албин Курти, како и со другите претставници на парламентарните партии за изнаоѓање на решение за формирање на нови институции.

В четврток на 2. октомври ќе продолжи конститутивната седница на Парламентот, на која треба да се избере претседател на Парламентот.