Марко Милошевиќ синот на покојниот претседател на Србија и хашкиот обвинет Слободан Милочевиќ реши јавно да проговори за тоа низ што се поминувал. По сменувањето од власт на неговиот татко Марко исчезна од Србија а засолниште најде во Русија каде што амбасадор на Република Србија беше неговиот чичко.
Во интервју за неделникот „Афера“ Марко открива низа на интересни случки кои ги имал додека неговиот татко бил на чело Србија. Тој говори за тоа што и колку имал како добивка, а што изгубил за време на владеењето на неговиот татко.
- Татко ми беше окружен со подлизурковци и луѓе на кои единствено им беше важно да бидат видени во негово друштво. Родителите не ги бираме. Јас имав среќа, Мене татко ми е Слободан Милошевиќ. Како татко, беше најдобар кого можев да го замислам и секако подобар отколку што заслужував. Нему му останува славата, а мене светите спомени и доживотна рана, истакна Марко.