Стејт департментот побарал одГрција да апси џихадисти Атина, 2 октомври 2014 (МИА) - Портпаролката на Стејт департментот Џен Псаки ги потврди новинарските извештаи дека Вашингтон побарал од грчката Влада да апсат борци џихадисти кои од Албанија и Босна и Херцеговина, преку Грција, патуваат кон Сирија и Ирак.
Американските власти се загрижени дека Грција може да стане главен канал за префрлување на борци на џихадистичката група Исламска држава (ИД) од западните земји.
- Ние секако ја изразивме нашата загриженост за фреквенцијата на странски борци во и надвор од Сирија и Ирак во многу јасни услови. Ова не е прашање што се однесува само на Грција. Од 15.000 странски борци, веруваме дека најмалку 2.000 од нив се од Запад, изјави Псаки на брифинг во Вашингтон.
Како што јави дописникот на МИА од Атина, грчката разузнавачка служба, наводно, ги засилила напорите за лоцирање и следење на осомничени милитанти кои пристигнуваат во земјата. Се смета дека западните поддржувачи на ИД можеби патуваат низ Грција во обид да стигнат на Блискиот Исток.
|