Никос Дендиас нов министер за одбрана на ГрцијаАтина, 31 октомври 2014 (МИА) - Грчкиот премиер Андонис Самарас го именува досегашниот министер за развој Никос Дендиас на чело на Министерството за одбрана, за да го замени Димитрис Аврамопулос, кој ќе биде еврокомесар.
Дендиас (55), кој досега бил и министер за правда и заштита на граѓаните, ќе стане министер за одбрана, во време кога од оваа функција се очекува да стане многу поважна, коментираат аналитичарите.
Костас Скрекас (41) пратеникот на Нова демократија, ќе го замени Дендиас во Министерството за развој, каде ќе се занимава со многу прашања, меѓу кои и отпишувањето на долговите на приватниот сектор што е во центарот на разговорите со меѓународните кредитори на земјата.
Министерот во заминување Аврамопулос (61), ќе биде еврокомесар за внатрешни работи и миграција.
|