Љубљана, 14 ноември 2014 (МИА) - Нова Љубљанска банка ги повика своите вработени да ги пријават колегите поради работни неправилности, и да заработат награда од 50.000 евра.
На чело на одделот на Центарот за усогласеност при работењето е поставен Рок Прапротник, некогашен член на владината антикорупциска агенција на Словенија.
- Награда добива само оној кој со информацијата спречил да дојде до поголеми деловни штети за банката, рече Прапротник.
Не се знае дали одделот, што вработува 17 луѓе, веќе наградил некого, но во полиција пријавиле 43 случаи, во кои се сомневало на кривични дела.
НЛБ е во државна сопственост, а ваквиот потег не им се допадна на синдикатот на работниците, кои веќе протестираа, а за новиот оддел велат оти дознале од медиумите.